З ёй да трох не гавары…
ЛІСА (Зайцу).
Што, прадуў, мой дарагі?
ВАВЁРКА (пра Сароку).
У яе бой-фрэнд другі.
ЛІСА.
А дзе спонсар абяцаны?
ВОЖЫК.
Ў кут падаткамі загнаны.
ЛІСА.
Каб не выбіў шэф з бюджэту…
ЗАЯЦ.
Шэф магёць.
ВОЖЫК (Зайцу). А песня спета!
Мат табе! (Вавёрцы.) Ну дай грыбок,
Я галодны быцам воўк!
Вавёрка падае сушаны грыб.
Скора зноў камандзіроўка:
Рана ўстань, вакзал, сталоўка…
ВАВЁРКА.
Ездзі, покуль малады.
ЛІСА (задуменна).
Маладосць… Гады, гады!..
Помню, лёгкай на пад’ём
Я была, і дзень за днём
Па калгасах калясіла.
Ўсё было: імпэт і сіла…
ВОЖЫК.
І кураціну, вядома,
Валакла зусюль дадому.